Bill Clinton, fyrrverandi forseti Bandaríkjanna, kom ásamt föruneyti til Þingvalla í kringum 11 í morgun. Hann gekk niður Almannagjá undir leiðsögn Sigurðar Líndal, fyrrverandi lagaprófessors, en þaðan var haldið að útsýnispallinum í Lögbergi. Þar greindi Sigurður nánar frá sögu staðarins og las upp fyrir Clinton, sem hlýddi á íbygginn á svip. Þegar Sigurður hafði lokið tölu sinni heyrðist Clinton lýsa því yfir hversu fagurt væri á Þingvöllum.

Bill Clinton hyggst snæða hádegisverð á Þingvöllum, en athygli hefur vakið hversu léttur í viðmóti hann er við ferðamenn sem þar eru. Gert er ráð fyrir að Clinton muni eiga fund með Ólafi Ragnari Grímssyni, forseta Íslands, á Bessastöðum klukkan 16 og Halldóri Ásgrímssyni, utanríkisráðherra, í ráðherrabústaðnum í kringum fimm í dag.

Bill Clinton, sem kom hingað til lands í morgun, hyggst hitta Hillary, eiginkonu sína, sem einnig er stödd hér á landi, síðar í dag, en þaðan halda þau til Írlands.

Tengdar fréttir

Clintonhjónin í heimsókn

Clinton áritaði með vinstri hendi og heilsaði með hægri

• Eins og skemmtilegt kvöldkaffiboð
• Gáfu Halldóri góð ráð í varnarviðræðum
• Errósýning, spjall, áritanir og pylsa á Bæjarins bestu
• Mörg hundruð manna biðu Clintons utan við bókaverslun í Dublin

» Fleiri tengdar fréttir

• Blogga um frétt