Skúturnar 19 sem þátt taka í siglingakeppninni Skippers d’Islande voru ræstar í Grundarfjarðarhöfn kl. 17 í dag. För þeirra er nú heitið til hafnar í Paimpol á ný en þaðan lögðu þær af stað þann 24. júní sl. áleiðis til Reykjavíkur. Frá Reykjavík var svo haldið til Grundarfjarðar þann 8. júli og er nú komið að heimferð á ný. Fyrir höndum er um 1300 sjómílna sigling og gert ráð fyrir að þær fyrstu verði í höfn í Paimpol þann 21. júlí n.k.

Þegar skúturnar voru ræstar af stað var VNV 4,9 metrar á sekúndu á sjálfvirkum vindmæli veðurstöðvarinnar í Grundarfirði þannig að skúturnar máttu sigla beitivind út fjörðinn. Skömmu síðar eða upp úr kl. 18 lagði skólaskip franska sjóhersins gólettan L’Etoile af stað í humátt á eftir keppnisskútunum.

Tengdar fréttir

Skútukeppnin Skippers d´Islande

Siglingin frá Grundarfirði til Paimpol ekkert sældarlíf

• Sigldi frá Grundarfirði til Paimpol á 9 dögum
• Minnisvarði um franska sjómenn reistur á Grundarkampi
• Fá góðan beitivind út fyrir Snæfellsnes á leið til Grundarfjarðar
• Fyrsta skútan komin til hafnar í Reykjavík

» Fleiri tengdar fréttir

• 1 blogg um fréttina

Bloggað um fréttina

• Villi Asgeirsson: Fallegu hvítu seglin...