Mótmælendur handteknir við Desjarárstíflu

Lögreglan flytur nú á bilinu 10-15 mótmælendur til Egilsstaða sem höfðu hlekkjað sig við vinnuvélar við Desjarárstíflu á Kárahnjúkasvæðinu á tólfta tímanum í dag. Að sögn Haraldar Alfreðssonar, staðarverkfræðings Landsvirkjunar, fóru mótmælendurnir inn á afmarkað vinnusvæði og hlekkjuðu nokkrir þeirra sig við vinnutæki. Lögreglan var kölluð á staðinn og handtók mótmælendurna. Ekki kom til neinna átaka milli lögreglu og mótmælenda að hans sögn.

Að sögn Óskars Bjartmarz, yfirlögregluþjóns á Egilsstöðum, er verið að flytja fólkið til Egilsstaða þar sem tekin verður skýrsla af þeim. Hann segist ekki vita að svo stöddu hvort Íslendingar hafi átt hlut að máli.

• 1 blogg um fréttina

Bloggað um fréttina

• HKS: Við mótmælum