Biður um tvö ár fyrir NFS

Róbert Marshall, forstöðumaður NFS, biður eigendur 365 miðla að loka ekki fréttastöðinni áður en hún nær að sanna sig og bendir á að það taki meira en 10 mánuði að sýna að viðskiptahugmyndin gangi upp. Róbert kemur beiðni sinni á framfæri í opnu bréfi í Morgunblaðinu í dag.

"Okkur var sagt að við fengjum tvö til þrjú ár til þess að láta NFS sanna sig. Gefðu okkur tvö. Nú um mánaðamótin stóð til að við færum í dreifingu um allt suðvesturhornið. Ekki loka sjoppunni áður en búið er að opna hana til fulls. Í fullri opinni dreifingu er þetta viðskiptahugmynd sem gengur upp. En það tekur meira en 10 mánuði að sýna það. Þetta vita nágrannar okkar í Danmörku og Noregi sem undirbúa nú sambærilega miðla en ætla að skila hagnaði eftir þrjú ár.

Kæri Jón, þú ræður þessu á endanum. Það vita allir. Taktu slaginn með okkur," skrifar Róbert.

Sjá bls. 21 í Morgunblaðinu í dag.