Hjáveitugöngum Kárahnjúkastíflu lokað, Hálslón að myndast

Hjáveitugöngum Kárahnjúkastíflu hefur verið lokað en seinni hleranum af tveimur hlerum stíflunnar var rennt niður nú fyrir stundu og er vatn nú farið að myndast í Hálslóni. Vatn hækkar nú nokkuð hratt í lóninu næst stíflunni og má reikna með að vatnshæðin þar verði komin í 15 metra á fyrstu fjórum klukkutímunum.

Fólk frá Landsvirkjun og fulltrúar fjölmiðla eru á staðnum en engir mótmælendur eru þar sjáanlegir samkvæmt upplýsingum blaðamanns mbl.is á staðnum. Um þrjátíu manns eru á útsýnispalli neðan við stífluna en alls eru nokkrir tugir manna á svæðinu.

Tveimur stálhlerum var rennt fyrir opið og verður nú steypt upp í lokuraufarnar.

• 1 blogg um fréttina

Bloggað um fréttina

• Stefán Friðrik Stefánsson: Tímamót fyrir austan