Valgerður á faraldsfæti næstu vikur

Valgerður Sverrisdóttir, utanríkisráðherra, hélt í dag til Lettlands þar sem hún tekur þátt í leiðtogafundi Atlantshafsbandalagsins, sem hefst á morgun. Valgerður heimsækir einnig íslensk fyrirtæki í Lettlandi. Að leiðtogafundinum loknum fer Valgerður til Litháens og á meðal annars fund með utanríkisráðherra landsins, Petras Vaitiekūnas, og opnar nýja ræðisskrifstofu í Vilníus.

Frá Litháen heldur Valgerður til Genfar, þar sem ráðherrafundur EFTA fer fram. Þaðan fer hún til Kína þar sem fyrirhugað er að vígja jarðhitaverkefni í Xian Yang og opna nýja skrifstofu Glitnis í Shanghaí, auk þess að eiga fundi með kínverskum ráðamönnum.

Að lokum tekur við opinber heimsókn til Japan í tilefni af 50 ára afmæli stjórnamálasambands ríkjanna. Í Japan fundar Valgerður með utanríkisráðherra Japan, Taro Aso, og heimsækir höfuðstöðvar Háskóla Sameinuðu þjóðanna.

Áætlað er að Valgerður komi aftur til Íslands 10. desember n.k.

• 1 blogg um fréttina

Bloggað um fréttina

• Stefán Friðrik Stefánsson: Valla Sverris heldur í heimshornaflakk