Ökumenn hvattir til að leggja aðeins í merkt stæði

Lögreglan í Reykjavík hefur sent frá sér tilkynningu þar sem þeim tilmælum er beint til þeirra sem leið eiga í miðborg Reykjavíkur á Þorláksmessu að leggja einungis í merkt bifreiðastæði. Þá verður Laugavegur lokaður fyrir umferð ökutækja frá klukkan 18 í kvöld og til miðnættis.

Í tilkynningunni er bent á að frítt er í bílastæðahús og þau opin til miðnættis. Nokkuð er farið að bera á því að bifreiðum sé illa og/eða ólöglega lagt í Þingholtum og á/eða í kringum Laugaveg og götur hafa verið við það að lokast vegna þess. Fólk er því hvatt til að sýna tillitssemi svo umferðin geti gengið sem best fyrir sig.

• 1 blogg um fréttina

Bloggað um fréttina

• Óttarr Makuch: Ökumenn eiga að leggja aðeins í merkt stæði annars !!