Segir herferð gegn íslenskum vörum í undirbúningi í Bandaríkunum

Baldvin Jónsson, framkvæmdastjóri Áforma, sagði í kvöldfréttum Ríkisútvarpsins, að erlend umhverfisverndarsamtök undirbúi nú herferð gegn hvalveiðum Íslendinga. Þegar gæti áhrifa af þessu því hætt hafi verið við kynningu á íslenskum vörum við opnun stærstu matvöruverslunar í Bandaríkjunum í Fairfax í Virginíuríki.

Baldvin sagðist hafa áreiðanlegar heimildir fyrir því að Grænfriðungar, Sierra Club, PETA og World Wildlife Fund undirbúi herferðina sem verði hleypt af stokkunum í vor. Sagði Baldvin, að umhverfissinnar ytra hafi skrifað tvö lesendabréf í blaðið Washington Post þar sem fólk er hvatt til að ferðast ekki til Íslands.

• 2 blogg um fréttina

Bloggað um fréttina

• Dofri Hermannsson: Ódrepandi ferðaþjónusta og kílóverð á hval
• Magnús Helgi Björgvinsson: Sjávarútvegsráðherra hvað hefur þú gert?