Ráðist á karlmann á skemmtistað í Keflavík

Að sögn lögreglunnar á Suðurnesjum veittu lögreglumenn, sem voru við eftirlit á Hafnargötu í Keflavík um hálf sex í morgun, athygli karlmanni sem var töluvert blóðugur í framan og með skurð á höfði.

Maðurinn tjáði lögreglumönnum að á sig hafi verið ráðist inn á skemmtistaðnum H-punktinum á Hafnargötu í Keflavík. Maðurinn var færður undir læknishendur á Heilbrigðisstofnun Suðurnesja. Ekki er vitað hver árásarmaðurinn er.

• 2 blogg um fréttina

Bloggað um fréttina

• TómasHa: SOS tækni ekki að virka?
• Magnús Helgi Björgvinsson: Hvað er eiginlega að gerast í Reykjanesbæ?