Neytendastofa hvetur almenning til að hafa eftirlit með matvælaverði

Í framahaldi af ákvörðun ríkisstjórnarinnar um lækkun á verði matvæla og þjónustu veitinga – og gistihúsa frá og með 1. mars. 2007 telur Neytendastofa nauðsynlegt að virkja almenning til eftirlits með verði á vörum og þjónustu við þessi tímamót.

Í tilkynningu frá Neytendastofu biður stofan neytendur í landinu til þess að taka virkan þátt í aðhaldi og eftirliti með því að verðlagsbreytingar skili sér til neytenda.

Á heimsíðu Neytendastofu hefur af þessu tilefni verið opnuð vefgátt undir nafninu: „Verðlagsábendingar – Láttu vita!“

Á vefgáttinni getur almenningur komið á framfæri ábendingum hvort fyrirhugaðar verðlagsbreytingar hafi komið til framkvæmda hjá þeim aðilum sem þeir eiga viðskipti við.

Vefur Neytendastofu

• 1 blogg um fréttina

Bloggað um fréttina

• Heimir Lárusson Fjeldsted: Loksins loksins