Lögreglan á höfuðborgarsvæðinu lagði hald á yfir 30.000 steratöflur
Setja bókamerki
Lögreglan á höfuðborgarsvæðinu lagði hald á rúmlega 30.000 steratöflur í lögregluaðgerð í gær. Að sögn Ásgeirs Karlssonar, yfirmanns fíkniefnadeildar lögreglunnar á höfuðborgarsvæðinu, er þetta eitt mesta magn sterataflna sem lagt hefur verið hald í Reykjavík.
Að sögn Ásgeirs var maður á fimmtugsaldri handtekinn í tengslum við málið, en gerð var húsleit hjá honum í gær sem og víðar. Hann var yfirheyrður og var honum sleppt að þeim loknum.
„Þessar töflur eru stórhættulegar og það er vitað mál að menn verða ofbeldishneigðari ef þeir eru að nota þessar töflur og áfengi með. Þetta fer oft illa í menn,“ segir Ásgeir í samtali við Fréttavef Morgunblaðsins.
Ásgeir vildi ekki upplýsa hvaðan töflurnar koma en málið er í rannsókn. Hann vill ekki meina að steranotkun sé að aukast en hinsvegar sé ljóst að aldrei hefur jafnmikið magn af efninu náðst í einu.
„Höfum sloppið bærilega með skaða af þessu gosi“
Gasmengun gæti borist yfir höfuðborgarsvæðið
Dregið úr gosóróa
Ása Ellerup flutt út og ætlar að selja húsið
Vika í kosningar: Þetta segja kannanir
Dómur þyngdur um þrjú ár
Í kappi við tímann að reyna að afstýra verkfalli