Landsbankinn og HR styðja við bakið á dúxum landsins

Landsbankinn og Háskólinn í Reykjavík hafa gert með sér samkomulag um að styðja vel við bakið á afburðanámsmönnum við upphaf háskólanáms.Þetta er gert til að hvetja framúrskarandi námsmenn til metnaðarfulls náms og til að auðvelda þeim að helga sig náminu af krafti, segir í tilkynningu.

Háskólinn í Reykjavík og Landsbankinn hyggjast veita allt að 35 afburðanemendum á ári nýnemastyrki sem nema skólagjöldum á fyrstu önn námsins sem og 150.000 krónur í framfærslustyrk.

Svafa Grönfeldt, rektor HR og Sigurjón Þ. Árnason, bankastjóri Landsbankans undirrita samning um þetta samstarf og stuðning við íslensk afburðaungmenni í Háskólanum í Reykjavík, Ofanleiti 2, kl. 17 í dag.

• 1 blogg um fréttina

Bloggað um fréttina

• TómasHa: Fyndin framsetning