Sýndi falsað tölvubréf í réttarsalnum
Setja bókamerki
Jakob R. Möller, verjandi Tryggva Jónssonar, sýndi dómurum í Baugsmálinu falsað tölvubréf í réttarsalnum í dag, og vildi með því sýna fram á hve auðvelt væri að falsa tölvupósta. Sagði Jakob, að aðstoðarmaður verjenda hefði falsað bréfið á þremur mínútum í gærkvöldi en það virtist vera frá Sigurði Tómasi Magnússyni, saksóknara, til Tryggva Jónssonar.
Tryggvi Jónsson hefur nú síðdegis verið spurður um skemmtibát í Miami á Flórída en meðal ákæruefna í málinu er að sakborningar hafi látið Baug Group greiða kostnað við útgerð bátsins.
Tryggvi var m.a. spurður um tölvupósta sem fundust í tölvu Jóns Geralds Sullenbergers. Tryggvi sagðist ekki kannast við tölvupóstinn. Sagði hann að auðvelt væri að falsa slíka tölvupósta og í kjölfarið dró Jakob póstinn falsaða upp úr pússi sínu.
Dómurum í málinu þótti þetta athyglisvert en niðurstaðan varð þó sú að tölvupósturinn var ekki lagður formlega fram sem gagn í málinu.
Vika í kosningar: Þetta segja kannanir
Vegirnir voru eins og borðstofuborð
Verkfalli lækna aflýst á síðustu stundu
„Við höldum áfram þangað til við erum búin“
Vöruflutningavél brotlenti í Litháen
Dregið úr gosóróa
„Sá vegur er bæði háll og myrkur“
Ása Ellerup flutt út og ætlar að selja húsið