Ætlun umhverfisráðherra að stækka friðlandið í Þjórsárverum

Jónína Bjartmarz, umhverfisráðherra, segir í svari á Alþingi, að það sé ætlun hennar að stækka friðlandið í Þjórsárverum á grundvelli tillagna starfshóps, sem skipaður var til að gera tillögur um slíka stækkun.

Starfshópurinn var skipaður í nóvember en í honum sitja Árni Bragason, formaður, Egill Sigurðsson, tilnefndur af Ásahreppi, Þorgils Torfi Jónsson, tilnefndur af Rangárþingi ytra, og Gunnar Örn Marteinsson, tilnefndur af Skeiða-og Gnúpverjahreppi.

Starfshópnum er einnig ætlað að hafa samráð við sérfræðinga og hagsmunaaðila á svæðinu og gera tillögur um stækkun friðlandsins svo og hugsanlegar breytingar aðrar á mörkum friðlandsins og einstökum atriðum friðlýsingarinnar. Í skipunarbréfi starfshópsins var reiknað með að hann skilaði tillögum sínum til ráðherra fyrir 1. febrúar sl. en nú liggur fyrir að starfshópurinn muni skila tillögum sínum um næstkomandi mánaðamót.

• 1 blogg um fréttina

Bloggað um fréttina

• Ragnar Bjarnason: Gott mál