Búist við mikilli svifryksmengun í dag

Búast má við mikilli svifryksmengun í Reykjavík í dag. Einar Sveinbjörnsson, veðurfræðingur, segir á bloggsíðu sinni að undanfarna daga hafi í kortunum verið útlit fyrir dauðhægan vind suðvestanlands í dag. Göturnar séu auðar og að auki alveg skraufþurrar og í ofanálag rykugar. Um helmingur bíla sé á nöglum og mánudagsumferðin væntanlega óumflúin.

Segir Einar, að fari svo að það verði nánast logn verði veruleg svifryksmengun í dag að teljast afar líkleg. 26. nóvember sl. fór svifrykstoppurinn í um 380 míkrógrömm á rúmmetra og segir Einar að ekki kæmi á óvart, gildin slöguðu upp í það í mælingum Umhverfisstofu Reykjavíkurborgar í dag.

Bloggsíða Einars

• 6 blogg um fréttina

Bloggað um fréttina

• Magnús Bergsson: Hjóla meira, aka minna.
• Björk Vilhelmsdóttir: Allir í strætó - minnkum svifryk
• Maron Bergmann Jónasson: Af hverju öll þessi nagladekk?
• Gúrúinn: Mengun í Reykjavík?
• Brosveitan - Pétur Reynisson: Hóst hóst! Burt með naglana! Minkum svifrykið!
• Morten Lange: Hættan stafar af útblæstri