Vildarkort fyrir Hafnfirðinga 67 ára og eldri

Hafnarfjarðarbær kynnir í dag vildarkort fyrir Hafnfirðinga 67 ára og eldri. Kortið veitir vildarkjör hjá stofnunum bæjarins og niðurgreiðslur fyrir þá sem orðnir eru 67 ára að íþrótta- og félagsstarfi í bænum. Kortið veitir einnig aðgang að öllum söfnum bæjarins og sundlaugum ásamt niðurgreiðslu á þátttökugjöldum í líkamsrækt. Einnig veitir kortið, handhafa, möguleika á að ferðast með strætó án endurgjalds.

Kortið verður kynnt í dag og mun bæjarstjóri Hafnfirðinga, Lúðvík Geirsson, skrifa undir samninga við íþróttabandalag Hafnarfjarðar, tómstundabandalag Hafnarfjarðar og líkamsræktarstöðvar í bænum þar sem bærinn mun taka að sér að greiða niður þátttökugjöld hjá 67 ára og eldri sambærilegt við það sem gert hefur verið fyrir yngri bæjarbúa.

• Blogga um frétt