Dæmdur í fangelsi fyrir kynferðisbrot gegn barnabarni

Héraðsdómur Norðurlands eystra hefur dæmt karlmann á áttræðisaldri í 15 mánaða fangelsi, þar af 12 mánuði skilorðsbundið, fyrir kynferðisbrot gegn sonardóttur sinni. Maðurinn var einnig dæmdur til að greiða foreldrum stúlkunnar, fyrir hennar hönd, 850 þúsund krónur í bætur auk sakarkostnaðar.

Maðurinn var fundinn sekur um að hafa ítrekað káfað á stúlkunni innan- og utanklæða á tímabilinu frá fyrri hluta árs 2004 til sumars 2006 en þá var stúlkan 10-12 ára.

Maðurinn játaði brot sín að mestum hluta en í dómnum segir, að af gögnum málsins megi ráða, að maðurinn sá ekkert athugavert við hegðun sína fyrr en í viðtölum við sálfræðing eftir að málið hófst.

Við ákvörðun refsingar var m.a. tekið tillit til játningar mannsins og þess að hann er ellilífeyrisþegi.

• 5 blogg um fréttina

Bloggað um fréttina

• Svava frá Strandbergi : Ellilífeyrisþegar nánast með undanþágu?
• Magnús Helgi Björgvinsson: Alveg er þetta ömurlegt.
• Maron Bergmann Jónasson: Nú mig ekki skilja vel
• Jenný Anna Baldursdóttir: VEL SLOPPIÐ
• Sigfús Sigurþórsson.: Jahérna, ekki nema það þó.