Fatamarkaður MK nema til styrktar Dvöl, athvarfi fyrir geðfatlaða í Kópavogi

MK-nemar halda fata- og nytjamarkað í sjálfboðamiðstöð Kópavogsdeildar að Hamraborg 11 nú um helgina, bæði laugardag og sunnudag, kl. 11-16. Markaðurinn er haldinn í samvinnu við Dvöl, athvarf fyrir geðfatlaða í Kópavogi, og rennur allur ágóði óskiptur í ferðasjóð athvarfsins.

Á markaðnum má meðal annars finna gott úrval barnafatnaðar, skó og gallabuxur á alla fjölskylduna. Flest er hægt að kaupa á 100, 300 og 500 krónur en allra flottustu flíkurnar fara á 1.000 og 1.500 krónur.

Þeir sem koma á markaðinn geta sannarlega gert kjarakaup og stutt verðugt málefni um leið. Það verður líf í tuskunum og kaffi á könnunni, segir í tilkynningu.

• 1 blogg um fréttina

Bloggað um fréttina

• Hilmar Guðmundsson: Fatamarkaður MK