Skemmdir í 16 af 20 tönnum

Tannheilsu barna og unglinga hefur hrakað hratt í kjölfar þeirrar stefnu stjórnvalda að minnka endurgreiðslur vegna tannlækninga, að mati Jónasar Gestssonar, tannlæknis á Akranesi. Í viðtali við Skessuhornið nefnir Jónas sem dæmi þriggja ára barn sem hann meðhöndlaði nýlega. Barnið var með skemmdir í sextán af tuttugu tönnum og segir hann barnið ekki einsdæmi.

Vegna lækkandi endurgreiðslna hafi dregið úr forvörnum og komi foreldrar seinna og sjaldnar með börn sín til tannlækna og stundum ekki fyrr en allt sé komið í óefni. Segir hann ástandið grafalvarlegt enda mörg börn að koma í slæmu ástandi til tannlækna.

Fréttavefurinn Skessuhorn