Allsherjarnefnd afgreiddi frumvarp um afnám einkasölu ríkisins á léttvíni

Allsherjarnefnd Alþingis hefur afgreitt til annarrar umræðu þingmannafrumvarp sem gerir ráð fyrir því, að afnema einkasölu Áfengis- og tóbaksverslunar ríkisins á áfengi sem er 22% eða minna að styrkleika. Frumvarpið er á dagskrá þingfundar í dag.

Guðlaugur Þór Þórðarson, þingmaður Sjálfstæðisflokks, er fyrsti flutningsmaður frumvarpsins en 13 aðrir þingmenn Sjálfstæðisflokks og Samfylkingar eru meðflutningsmenn. Frumvarpið hefur þrisvar áður verið lagt fram á Alþingi.

Í áliti allsherjarnefndar segir, að nefndin telji eðlilegt að sala á vörum og þjónustu sé á hendi einkaaðila en ekki opinberra aðila. Nefndin telji rétt að færa sölu á áfengi í þann farveg og líti svo á að með frumvarpinu sé stigið lítið skref í þá átt að gera sölu á áfengi frjálsa eins og tíðkist í verslunum víða í nágrannalöndum. Í þessu sambandi bendir nefndin jafnframt á að á landsbyggðinni sé áfengi víða selt í almennum verslunum án nokkurra vandkvæða.

• 9 blogg um fréttina

Bloggað um fréttina

• Anton Þór Harðarson: Löngu kominn tími til.
• Sigfús Þ. Sigmundsson: Afnám ríkiseinokunnar á léttu áfengi
• Snorri Bergz: Vín-búðir?
• Eiríkur Bergmann Einarsson: Hestaskál
• Andrés Magnússon: Yðar skál!
• Kjartan Vídó: Skál fyrir því...
• Hilmir Berg Ragnarsson: Vandamálið er af allt öðrum toga?
• Egill Rúnar Sigurðsson: Fagnaðarefni ef einkasala ríkisins á léttu víni verður afnumin.
• Sigurður Elvar Þórólfsson: Vínrautt og magnað