Eðlilegt að einkafyrirtæki nýti auðlindir gegn gjaldi

Iðnþing telur eðlilegt að stjórnvöld setji reglur og ramma um nýtingu auðlinda en fyrirtæki í einkaeigu nýti en greiði fyrir. Auðlinda­gjald eigi að renna í sjóð, m.a. til eflingar rannsókna og nýsköpunar í atvinnulífinu.

Í ályktun Iðnþings, sem haldið var í dag, segir að skapa verði sátt um skynsamlega nýtingu náttúruauðlinda og ná jafnvægi milli verndar og nýtingar. Of langt sé að bíða til ársins 2010 eftir nýtingar- og verndaráætlun, eyða þurfi óvissu sem nú ríki bæði um verndun landsvæða og stöðu þeirra, sem hyggi á nýtingu auðlinda. Þær beri m.a. að nýta til þess að skapa störf og útflutnings­verðmæti en gæta verði sanngirni gagnvart fyrirtækjum sem þegar eru starfandi.

Þá krefjast Samtök iðnaðarins þess, að Alþingi sem kjörið verður í vor og næsta ríkisstjórn, taki aðild Íslands að Evrópusambandinu til alvarlegrar skoðunar og komist að niður­stöðu á kjörtímabilinu. Ná þurfi sem víðtækastri samstöðu meðal stjórn­mála­flokka, samtaka atvinnu­rekenda og launþega um stefnu þjóðarinnar í Evrópumálum.

• 1 blogg um fréttina

Bloggað um fréttina

• Þorsteinn Siglaugsson: Einkennileg röksemdafærsla