Unnið að því að fylla skarð á brimvarnargarði

Verktakar á vegum Framkvæmdasviðs Reykjavíkur vinna nú að því að fylla með grjóti skarðið sem myndaðist í brimvarnargarðinum við Ánanaust í Reykjavík sem sagt var frá í fréttum Vefvarps Morgunblaðsins í dag. Samkvæmt tilkynningu frá Framkvæmdasviðinu mun því verki ljúka fyrir kvöldflóðið sem nær hámarki klukkan 9 í kvöld.

Næstu daga verður á vegum Framkvæmdasviðs unnið að hreinsun svæðisins.

Hækkun varnargarðs í undirbúningi
Að jafnaði hefur sjór gengið á land á þessum stað á um 5 ára fresti. Að undanförnu hefur það gerst oftar. Ólafur Bjarnason aðstoðarsviðsstjóri Framkvæmdasviðsins sagði í samtali við Fréttavef Morgunblaðsins að til stæði að styrkja varnargarðinn með því að hækka hann um það bil um 1 metra.

Samkvæmt tilkynningu frá Framkvæmdasviðinu er fjárveiting til að hefja framkvæmdir á þessu ári.

• 1 blogg um fréttina

Bloggað um fréttina

• Haraldur Haraldsson: Sjógangurinn við Ánanaust!!!!!!