Ölgerðin kemur ekki að drykkjukeppni með neinum hætti

Ölgerðin Egill Skallagrímsson segist ekki tengjast drykkjukeppni þeirri með neinum hætti, sem fjallað er um á baksíðu Morgunblaðsins í dag. Þar segir frá drykkjukeppni sem haldin verður á skemmtistaðnum Pravda í kvöld, þar sem keppendur eiga að drekka tiltekið áfengismagn á sem skemmstum tíma.

Í yfirlýsingu frá Ölgerðinni segir að aðstandendur keppninnar hafi leitað eftir samstarfi við fyrirtækið en þeirri málaleitan hafi verið hafnað. „Eitt vörumerkja Ölgerðarinnar var hins vegar sett á kynningarefni tengt þessari uppákomu án leyfis og Ölgerðarinnar er getið sem aðstandanda. Þetta er bagalegt því uppákoman er í eðli sínu andstæð stefnu og viðhorfi Ölgerðarinnar til neyslu áfengra drykkja,“ segir í yfirlýsingunni.

• 4 blogg um fréttina

Bloggað um fréttina

• Óttarr Makuch: Ölgerðin á móti áfengisdrykkju?
• Baldvin Jónsson: Ofdrykkja samræmist ekki almennri stefnu Ölgerðarinnar....
• Ívar Pálsson: Öskraði af kvölum
• Sigfús Sigurþórsson.: Vill ekki vera mem?