Hálka veldur umferðaröngþveiti í Reykjavík

Mikil hálka er í höfuðborginni og hafa vandræði skapast af því í umferðinni. Samkvæmt upplýsingum frá varðstjóra hjá lögreglu höfuðborgarsvæðisins urðu tíu árekstrar með stuttu millibili upp úr klukkan átta í morgun og í það minnsta tveir bílar hafa oltið og lent utan vegar.

Margir árekstranna urðu í Austurborginni og á Vesturlandsvegi og Suðurlandsvegi. Stór vöruflutningabíll fór yfir hringtorg á Vesturlandsvegi og stakkst ofan í skurð handan við það.

Lögreglan hefur ekki upplýsingar um nein alvarleg slys á mönnum. Ein kona var þó flutt á slysadeild LSH með minniháttar áverka eftir að jeppi hennar lenti utan vegar í Garðabæ.

• 4 blogg um fréttina

Bloggað um fréttina

• Sverrir Þorleifsson: Hananú.. allt orðið vittlaust
• Óttarr Makuch: Frá slysstað
• Einar Sveinbjörnsson: Hálkan á veðurmælum höfuðborgarsvæðisins
• Magnús Þór Jónsson: Veður, veður og veður!