Nauðlenti á Eyjafjarðarbraut

Flugmaður einshreyfils flugvélar brá á það ráð að nauðlenda á Eyjafjarðarbraut við Melgerðismela um hálf tvöleytið í dag þegar drapst á hreyfli vélarinnar. Gekk lendingin að óskum.

Eftir að vélin var lent áttaði flugmaðurinn sig á því að lokast hafði fyrir eldsneytisflæði til hreyfilsins.

Flugmaðurinn tilkynnti atvikið, flugvirki yfirfór vélina og reyndist hún í fullkomnu lagi þannig að flugmaðurinn tók í loftið á ný. Vélin er tveggja sæta, af gerðinni Super Decathlon í eigu Flugskóla Akureyrar.

• 1 blogg um fréttina

Bloggað um fréttina

• Þorsteinn Gunnarsson: Nett neyðarlegt...