Samstarf um vöktun Þingvallavatns

Þjóðgarðurinn á Þingvöllum, Umhverfisstofnun, Landsvirkjun og  Orkuveita Reykjavíkur hafa samið um  samstarf sín á milli  um vöktun á lífríki Þingvallavatns.  Vöktunin mun veita mikilvægar upplýsingar um grunnþætti í lífríki vatnsins sem er nauðsynlegur þáttur í verndun þess.

Fram kemur í tilkynningu, að markmið vöktunarinnar sé að beita samfelldum langtíma mælingum svo unnt verði að kortleggja hugsanlegar breytingar á lífríki vatnsins vegna meintra álagsþátta s.s. nýtingar vatns, frárennslis, vatnsmiðlunar eða vegagerðar.

Lífríki Þingvallavatns er fjölskrúðugt. Fjölbreytni bleikju í vatninu er einstæð og tvær sérstæðar marflóartegundir fundust fyrst í lindum vatnsins.  Þingvellir eru auk þess á heimsminjaskrá Menningarmálastofnunar Sameinuðu þjóðanna. Árið 2005 samþykkti Alþingi lög um verndun Þingvallavatns og vatnasviðs þess.

• 1 blogg um fréttina

Bloggað um fréttina

• Snorri Sigurðsson: Þingvallavatn - líffræðilegt undur