Ráðherrann slapp ómeiddur úr bílveltu

Einar Kristinn Guðfinnsson, sjávarútvegsráðherra, slapp ómeiddur þegar hann velti bíl sínum í grennd við Fagranes í Öxnadal um klukkan eitt í dag. Hann var einn í bílnum á ferð frá Akureyri að Löngumýri í Skagafirði á leið á fund um þjóðlendumál.

Einar mætti nokkuð seint á fundinn og þegar hann tók til máls baðst hann afsökunar á því en sagðist telja forföllin óviðráðanleg og greindi frá óhappinu og lét þess getið að hann hefði komið á fundarstað í lögreglubíl.

Lögreglan á Akureyri ók honum áleiðis en lögreglan á Sauðárkróki kom til móts við þá og flutti Einar á fundinn.

Einar var hinsvegar brattur og fékk ekki skrámu í veltunni. Mikil hálka og krapi voru á vegum fram eftir degi í Skagafirði og á Öxnadalsheiði í dag en minnkaði eftir því sem á daginn leið.

• 6 blogg um fréttina

Bloggað um fréttina

• Hilmar Guðmundsson: Ráðherrann slapp
• Halldór Egill Guðnason: 90 km h´markshraði?
• Birgir Þór Bragason: Beltin bjarga
• TómasHa: Heppinn ráðherra
• Björn Heiðdal: Einar K. skammarbréf
• Erla Ósk Ásgeirsdóttir: Harka í Vestfirðingnum