Nýbúaútvarp mun nást á öllu höfuðborgarsvæðinu

Hafnarfjarðarbær hyggst stækka útsendingarsvæði nýbúaútvarps og mun það framvegis nást á öllu höfuðborgarsvæðinu. Nýbúaútvarp hefur verið starfrækt í Hafnarfirði frá því í nóvember 2006 með útsendingarstyrk sem nær einungis Hafnarfirði.

Hafnarfjarðarbær hefur átt í viðræðum við önnur sveitarfélög á höfuðborgarsvæðinu með mögulegt samstarf í huga vegna þessa verkefnis.

Nýbúaútvarpið hefur sent út á FM 96,2 frá fjölmiðladeild Flensborgarskóla en að svo stöddu er ekki ljóst hvort sú tíðni mun haldast óbreytt né heldur hvenær útsendingasvæðið mun stækka. Nýbúaútvarpið sendir út á fjórum tungumálum, pólsku, rússnesku, ensku og tagalog sem er tungumálið sem talað er á Filipseyjum.

• 7 blogg um fréttina

Bloggað um fréttina

• Baldur Kristjánsson: Hvað þarf til...?
• Sigfús Sigurþórsson.: Er Nýbúa útvarp jákvætt eða neikvætt?
• Snorri Bergz: Frjálslyndi flokkurinn gerist helsti stuðningsaðili útvarpsstöðvar
• Vestfirðir: Á Vestfjörðum búa margir nýbúar
• Páll Einarsson: frábært framtak!
• Guðrún María Óskarsdóttir.: Mikilvægt atriði til að ná til fólks sem ekki skilur …
• Dagbjört Ásgeirsdóttir: Nýbúaútvarp, af hinu góða.