Kona föst í gjótu í brimgarðinum við Ánanaust

Slökkvilið höfuðborgarsvæðisins sinnir nú heldur óvanalegu útkalli sem stendur en tilkynning barst um konu sem væri föst í brimgarðinum við JL-húsið í Vesturbænum. Að sögn slökkviliðsins tilkynnti hjólreiðamaður, sem var þarna á ferðinni, um að kona væri þar föst með höfuð og efri búk á milli steina í brimgarðinum. Slökkviliðið vinnur nú að því að losa konuna.

Ekki er vitað á þessari stundu hvernig konan fór að því að festa sig, en hún er föst ofarlega í brimgarðinum við göngustíginn. Henni stafar því ekki hætta af sjónum, en þó fylgir ákveðin hætta á grjóthruni þar sem konan situr föst.

Slökkviliðið segir hjólreiðamanninn að vonum hafa verið mjög hissa þegar hann sá fætur stingast upp úr þessari gjótu.

• 5 blogg um fréttina

Bloggað um fréttina

• Halldór Borgþórsson: Er ekki allt í lagi ????
• Jóhannes Ragnarsson: Vonandi ekki minkur í gjótunni.
• Eyjólfur Sturlaugsson: Eflum hjólreiðar
• Hafsteinn Viðar Ásgeirsson: Andsk....
• Hallfríður Jóna Jónsdóttir: Vesalings konan.