Wilson Muuga komið á flot
Setja bókamerki
Flutningaskipið Wilson Muuga var dregið á flot af strandstað við Hvalsnes nú síðdegis og er nú um 1 mílu frá landi. Mun dráttarbáturinn Magni draga skipið til Hafnarfjarðar í kvöld. Að sögn Guðmundar Ásgeirssonar, forstjóra Nesskips, sem er um borð í Wilson Muuga, gekk vel að draga skipið á flot þótt litlu hafi mátt muna en tóg flæktist í skrúfunni á einum dráttarbátnum.
„Það stóð tæpt en það hafðist,“ sagði Guðmundur í samtali við Fréttavef Morgunblaðsins. Hann segir einn dráttarbátana hafa fengið í skrúfuna. „Við vorum í smá basli með það en það tókst sem betur fer ágætlega.“
Hann segir það eiga eftir að koma í ljós hvað verði gert við skipið þegar það verður komið til Hafnarfjarðar.
Guðmundur hefur unnið að því undanfarna 17 daga ásamt u.þ.b 15 öðrum að undirbúa skipið fyrir aðgerðirnar. Upphaflega stóð til að reyna draga skipið af strandstað á stórstraumsflóði 16.-18. maí nk. „Það var upphaflega meiningin en svo kitlaði okkur að reyna þetta núna út af því það var stórstraumt [...] Það var bara draumur í dós að ef við ynnum 16-18 tíma á dag að þá næðum við því. Það hafðist.“
Rannsókn á menningarnæturmáli lokið
Falskur fyrirvari á auglýsingum Höllu
Ákærður fyrir stunguárás á menningarnótt
Vonir bundnar við morgundaginn
Dæla, kæla og verja mikilvæg mannvirki
Sendi nektarmyndir af dreng sem hann passaði
Fæðuöryggi: „Áttum mat í þrjár vikur“
Hvatti kjósendur til þess að greiða ógild atkvæði