Þorsteinn: Mun hugsanlega kaupa mér vetnisbíl
Setja bókamerki
Þorsteinn Ingi Sigfússon, prófessor við Háskóla Íslands, mun hljóta 10 milljón rúbla verðlaun, sem samsvarar um 27 milljónum íslenskra króna, í tengslum við Alheimsverðlaunin Global Energy International Prize fyrir rannsóknir sínar í orkumálum. Þorsteini var tilkynnt um að hann hlyti verðlaunin í símasamtali frá talsmanni rússnesku vísindaakademíunnar í Moskvu í dag en verðlaunin eru ein æðsta viðurkenning rússneska lýðveldisins fyrir vísindarannsóknir.
Þorsteinn, sem hlýtur verðlaunin fyrir vetnisrannsóknir, er einn þriggja verðlaunahafa í ár og hlýtur hann helming verðlaunafjárins sem ætlað er til persónulegra nota. Þorsteinn sagði við hátíðlega athöfn í rússneska sendiráðinu í morgun að hugsanlega muni hann nota peningana til að kaupa sér vetnisbíl.
Hann mun taka formlega við verðlaununum úr hendi Vladimirs Putins Rússlandsforseta í Pétursborg í júní.
Yfir 300 stæði fóru undir hraun
Hópur fólks reyndi að komast að eldgosinu
Pútín reynir allt til að forðast aðra herkvaðningu
Hentugt gos fyrst gýs á annað borð
„Höfum sloppið bærilega með skaða af þessu gosi“
Hótar Bretum og Bandaríkjamönnum
Rússar sagðir útvega N-Kóreu milljón olíutunnur
