Laskað nefhjól tefur farþega Icelandair

Um 200 farþegar Icelandair bíða nú eftir að annarri flugvél á Kastrup-flugvelli í Kaupmannahöfn eftir að vélin þeirra sem átti að fara þaðan um hádegið í dag varð fyrir óhappi. Verið var að ýta vélinni af stæði þegar þrýstibúnaður í dráttarvagninum brast og við það laskaðist nefhjól vélarinnar.

Að sögn upplýsingafulltrúa Icelandair mun viðgerð ekki ljúka fyrr en á morgun en farþegarnir bíða á Kastrup eftir annarri vél og reiknað er með að sú vél komist í loftið upp úr miðnætti.

Engin hætta skapaðist af þessu slysi og þó að nefhjólið hafi laskast datt vélin ekki niður eða neitt slíkt.

• 1 blogg um fréttina

Bloggað um fréttina

• GK: Systir...