Hvorki ökumaðurinn né barnið voru með bílbelti

Karlmaður um þrítugt var stöðvaður á höfuðborgarsvæðinu í gærmorgun en sá ók fólksbíl með 6 ára barn sér við hlið í framsæti. Hvorki maðurinn né barnið voru með bílbelti. Ökumaðurinn á sekt yfir höfði sér, að sögn lögreglunnar.

Lögreglan segir, að umferðin á höfuðborgarsvæðinu hafi almennt gengið vel fyrir sig í gær en aðeins fimmtán umferðaróhöpp voru tilkynnt til lögreglu. Níu voru teknir fyrir hraðakstur og einn þeirra, kona á sextugsaldri, má búast við sviptingu ökuleyfis. Bíll konunnar mældist á rúmlega tvöföldum leyfilegum hámarkshraða í íbúðargötu.

Tveir voru teknir fyrir ölvunarakstur en annar þeirra, karlmaður á fertugsaldri, hafði þegar verið sviptur ökuleyfi.

• 4 blogg um fréttina

Bloggað um fréttina

• Davíð Bragason: Amma Schumacher
• Snorri Bergz: Umferðaróviti
• Óttarr Makuch: Hvað er að....árið 2007?
• Birgir Þór Bragason: Fræðsla og aftur fræðsla