Ný gjaldskrá fyrir Hvalfjarðargöng

Spölur hefur sent frá sér nýja gjaldskrá fyrir akstur um Hvalfjarðargöng, sem tekur gildi 7. maí. Samkvæmt gjaldskránni fjölgar gjaldflokkum fjölgar um einn og bætist við nýr flokkur fyrir ökutæki, 6-8 metrar að lengd. Þýðir það, að veggjald fyrir svokallaða pallbíla, sendibíla og fleiri ökutæki, sem lenda í þessum nýja flokki, lækkar um nær helming við breytinguna en gjald fyrir marga húsbíla hækkar.

Spölur segir, að gjald fyrir staka ferð ökutækis í þessum flokki verði 1500 krónur en það er nú 2800 krónur. Gjald fyrir hverja áskriftarferð verður 1000 krónur í stað tæplega 1900 króna nú.

Gjald fyrir marga húsbíla hækkar hins vegar þegar farið verður að innheimta fyrir þá samkvæmt II. gjaldflokki. Hingað til hafa þeir farið um göngin á lægsta gjaldi þrátt fyrir að vera allt að 7,25 metrar að lengd. Lengdarmæling allra ökutækja, og innri samræming gjaldskrár, gera það hins vegar að verkum að þessi ökutæki færast nú í II. gjaldflokk.

Veggjald í Hvalfjarðargöngum lækkaði 1. mars og lækkar verð á ýmsum áskriftarflokkum nú enn frekar. Segir í tilkynningu frá Speli, að lækkun veggjaldsins svari til þess að Spölur skerði tekjur sínar um 65 milljónir króna á ári, miðað við umferð í Hvalfjarðargöngum árið 2006.

• 1 blogg um fréttina

Bloggað um fréttina

• Sigurður Elvar Þórólfsson: Ætla sko að hjóla í vinnuna