Samið um kaup og þjálfun á leiðsöguhundum

Siv Friðleifsdóttir heilbrigðis- og tryggingamálaráðherra og Halldór Sævar Guðbergsson formaður Blindrafélagsins, skrifuðu í dag undir samkomulag um kaup og þjálfun á fimm leiðsöguhundum fyrir blinda og sjónskerta.

Í samkomulaginu felst að heilbrigðis- og tryggingamálaráðuneytið mun leggja til rúmlega 17 milljónir króna til að standa straum af kostnaði við kaup og þjálfun á fimm leiðsöguhundum frá Noregi. Blindrafélagið leggur fram á móti um 8 milljónir króna en heildarkostnaður við verkefnið er áætlaður um 25 milljónir króna.

Blindrafélagið hefur gert samning við hundaskóla norsku blindrasamtakanna um að þjálfa leiðsöguhundana og væntanlega notendur þeirra. Í lok þessa mánaðar halda fimm blindir og sjónskertir einstaklingar utan til fyrstu þjálfunar.

• 3 blogg um fréttina

Bloggað um fréttina

• Jóna Á. Gísladóttir: vegna kosninga eða ekki
• Linda: Vá frábært að heyra þetta.
• Anton Þór Harðarson: hundaþjálfun