Umsóknum til Tryggingastofnunar um hjálpartæki fjölgar mikið
Setja bókamerki
Umsóknir um hjálpartæki til Tryggingastofnunar ríflega tvöfölduðust á undanförnum áratug, úr tæplega 14 þúsund árið 1996 í um 30 þúsund árið 2005. Á sama tíma hefur fjöldi samþykktra hjálpartækja aukist gífurlega. Til dæmis jókst fjöldi samþykktra handdrifinna hjólastjóla um 150% á tímabilinu 1996 til 2006 og fjöldi samþykktra göngugrinda jókst álíka mikið á sama tímabili.
Útgjöld til hjálpartækja var 554 milljónir árið 1996 en voru 1452 milljónir á síðasta ári. Á sama tímabili fjölgaði umsóknum úr 13.571 í 28.435.
Tryggingastofnun segir, að ástæður fyrir þessari auknu þörf fyrir hjálpartæki megi rekja til breyttra áherslna í heilbrigðis- og félagsþjónustu. Til dæmis hafi legutími á sjúkrahúsum styst, heimaþjónusta aukist og tækni í gerð hjálpartækja hefur fleygt mikið fram.
Eftirspurn eftir hjálpartækjum til að gera fólki kleift að vera heima er mikil og gæði tækja hafa aukist gríðarlega, svo sem sérútbúinna rafknúinna hjólastóla, tjáskiptabúnaðar, sérútbúinna tækja í bifreiðar, insúlíndælna og rafmagnsgervihandleggja.
77 ár á milli þess elsta og yngsta
50 milljónir eiga að minnka svindl um 1 milljarð
Reiðubúin að aflýsa verkföllum í fjórum leikskólum
Ekki vandamál að vera karlmaður
Í kappi við tímann að reyna að afstýra verkfalli
Gasmengun gæti borist yfir höfuðborgarsvæðið
Flestir sem hvergi finnast koma frá Sómalíu
„Sá vegur er bæði háll og myrkur“