Yahoo kannar möguleika á netþjónabúi hér á landi
Setja bókamerki
Geir H. Haarde, forsætisráðherra, fundaði í morgun með fulltrúum netveitunnar Yahoo um möguleika á því að setja hér upp svonefnt netþjónabú. Fram kom hjá fulltrúum Yahoo, að athugun þeirra sé á frumstigi og ekki sé von á niðurstöðu fyrr en eftir hálft ár eða svo.
Yahoo er að sækjast eftir ódýrri orku, sem þeir segja að sé nóg af hér. Að auki er menntunarstig hér á landi hátt og tækniþekking er til staðar.
Yahoo-menn vildu ekki segja til um hve mörg störf kynnu að vera í boði né heldur hve mikið umfang starfseminnar gæti orðið.
Geir staðfesti aðspurður, að lagning nýs sæstrengs væri forsenda fyrir því, að svona starfsemi gæti verið hér á landi en gífurlega flutningsgetu þarf vegna gagnamagns: margar tengingar með allt að 10 gígabita á sekúndu.
Hrikalegt að heyra fréttirnar
Forstjóri bendir á ábyrgð birgja vegna verðhækkana
„Þetta er ríkisstjórn almannahagsmuna“
„Börn heima sem maður myndi vilja hafa í skjóli“
Alvarleg netárás á Wise
Bjarni: „Útilokað að þetta geti gengið upp“
Segir að verið sé að svindla á Bandaríkjunum
