Tryggingamiðstöðin hækkar iðgjöld

Tryggingamiðstöðin ætlar að hækka iðgjöld frjálsra ökutækjatrygginga, þ.e. kaskó- og bílrúðutrygginga, um 15% frá og með 1. júlí næstkomandi. Segir félagið, að áætla megi, að meðaláhrif hækkunarinnar á ökutækjatryggingu, þ.e. ábyrgðar- og kaskótryggingu, verði um 3,5-4%, sem samsvarar um 2500 krónum á ársgrundvelli.

Í tilkynningu frá Tryggingamiðstöðinni er vísað til þess að í fyrsta árshlutauppgjöri félagsins á árinu 2007 sé verulegur halli af rekstri frjálsra ökutækjatrygginga og hafi svo verið um nokkurt skeið. Meginskýringin sé sú að tjónatíðni hafi aukist umfram það sem áætlanir gerðu ráð fyrir.

• 2 blogg um fréttina

Bloggað um fréttina

• Guðmundur Örn Jónsson: Hart í ári hjá tryggingafélögum.
• Berglind Steinsdóttir: Samkeppnin talar