Vilja sameina Árborg og Flóahrepp

Bæjarfulltrúar Sjálfstæðisflokksins í Árborg vilja skoða alvarlega þann kost að sameina sveitarfélögin Árborg og Flóahrepp í eitt. „Það er mikil samvinna milli sveitarfélaganna og hana mætti vel efla til muna,“ segir Þórunn Jóna Hauksdóttir, oddviti Sjálfstæðisflokksins í Árborg við fréttavefinn Suðurland.is.

„Í Laugardælum í Flóahreppi stendur einnig til að byggja nýja brú yfir Ölfusá ásamt stófelldri íbúabyggð. Í því ljósi kæmi sameining sér ekki síst vel og leiddi til þess að svæðin væru skipulögð sem ein heild,“ segir hún.

• 3 blogg um fréttina

Bloggað um fréttina

• Geir Ágústsson: Stækkun sveitarfélaga er vont markmið
• Gestur Guðjónsson: Eðlilegast að sameina alla Árnessýslu í eitt sveitarfélag
• Guðjón Guðvarðarson: Auðvitað