Geir H. Haarde kjörinn heiðursdoktor við Minnesotaháskóla

Í tilefni af 25 ára samstarfi Háskóla Íslands og Háskólans í Minnesota, mun Robert H. Bruininks, rektor Háskólans í Minnesota lýsa kjöri Geirs H. Haarde forsætisráðherra sem heiðursdoktor við skólann. Kjörið fer fram í Hátíðarsal Háskóla Íslands á morgun.

Geri Haarde forsætisráðherra lauk meistaraprófi í hagfræði frá Háskólanum í Minnesota árið 1977 og vill skólinn með nafnbótinni veita þessum fyrrverandi nemanda sínum viðurkenningu fyrir framlag hans til íslensks samfélags, sem þar með eykur hróður Háskólans í Minnesota.

Í tilkynningu frá Háskóla Íslands segir, að samstarf HÍ og Háskólans í Minnesota hafi verið blómlegt allt frá upphafi og hafa hundruð stúdenta og vísindamanna beggja skóla komið þar að. Samstarfið hafi náð til fjölda fræðasviða s.s.félagsvísinda, heilbrigðisvísinda og verkfræði.

• 1 blogg um fréttina

Bloggað um fréttina

• Snorri Bergz: Dr. Geir H. Haarde