Fyrsti sjálfstæðismaðurinn í heilbrigðisráðuneytinu í 20 ár

Guðlaugur Þór Þórðarson tók við embætti heilbrigðis- og tryggingamálaráðherra á ríkisráðsfundi í dag af Siv Friðleifsdóttur. Er Guðlaugur Þór fyrsti fulltrúi Sjálfstæðisflokksins til að gegna þessu embætti í 20 ár eða frá því Ragnhildur Helgadóttir lét af embætti að loknum kosningum sumarið 1987.

Það vafðist ekki fyrir nýjum heil brigðisráðherra að sleppa lyftunni og hlaupa upp tröppurnar upp á fjórðu hæð í húsnæði heilbrigðisráðuneytisins í nú síðdegis. Ráðuneytið er til húsa í Vegmúla 3 og er 50 manna starfslið í ráðuneytinu.

Siv afhenti Guðlaugi Þór lykla með nafni hans áletruðu á lyklakippunni og óskaði honum vel farnaðar í starfi og sagði hann eiga í vændum samstarf við gott starfsfólk ráðuneytisins.

• 3 blogg um fréttina

Bloggað um fréttina

• Stefán Friðrik Stefánsson: Guðlaugur Þór tekur við heilbrigðisráðuneytinu
• Sigurður Viktor Úlfarsson: Einkarekstur betri sé rétt á málum haldið EN....
• Davíð Þór Kristjánsson: Tími einkarekstar er runnin upp.