Fyrsti lax sumarsins kominn á land úr Norðurá

Fyrsti lax sumarsins kom á land úr Norðurá klukkan 7:21 í morgun. Laxinn tók flugu Bjarna Júlíussonar, formanns SVFR, á svonefndu Broti, klukkan 7:11 og tíu mínútum síðar hafði Bjarni hendur á honum. Laxinum, sem var 74 sentimetra löng hrygna, var síðan sleppt aftur í ána.

Um 20 manns, stjórnarmenn SVFR, makar þeirra og fjölmiðlamenn fylgdust með viðureigninni. Bjarni spáði því galvaskur, að þetta yrði góð opnun og opnunarhollið myndi veiða 23 laxa en hann sá til fleiri laxa á Brotinu.

Í opnunarhollinu í fyrra veiddust þrír laxar og enginn árið áður. Var því ákveðið að seinka opnun árinnar frá 1. júní til 5. júní í ár.

• 4 blogg um fréttina

Bloggað um fréttina

• Sigfús Sigurþórsson.: Þetta er lífið,,,,eða hvað,,,,,jú ég bara held það.
• Sigríður Gunnarsdóttir: Fyrsti laxinn
• Snorri Bergz: Lax, lax, lax og aftur lax
• Sveinbjörn Eyjólfsson: Mikið lifandis skelfing...