Gerbreytt starfsemi Norræna hússins

Nýr forstjóri Norræna hússins, Svíinn Max Dager, hyggst gera róttækar breytingar á starfseminni og gera húsið að eftirsóttum alþjóðlegum vettvangi fyrir ráðstefnur, menningarumræðu og miðlun af ýmsu tagi. Í húsinu verður komið upp útbúnaði fyrir fullkomnar stafrænar kvikmyndasýningar. Þá verður jafnt hægt að sýna þar nýjar kvikmyndir sem og senda út frá viðburðum eins og óperuuppfærslum í Metropolitan óperunni í hæstu gæðum og á breiðtjaldi. Með sömu tækni gæti rithöfundur eins og Salman Rushdie tekið þátt í Bókmenntahátíð í Reykjavík um gervihnött.

Húsinu sjálfu breytt

Samfara breyttum áherslum í starfsemi verða gerðar breytingar á Norræna húsinu sjálfu í samvinnu við Alvar Aalto akademíuna í Finnlandi og húsfriðunarnefnd. Þær breytingar miða að því að auka nýtingarmöguleika hússins í takt við breytta tíma.

Sjá nánar í Morgunblaðinu í dag.