Eldri kona fannst látin í heimasundlaug

Kona á níræðisaldri lést í heimasundlaug í Lundareykjadal um klukkan 15 í gær, sunnudag. Heimilisfólkið á bænum kom að konunni látinni nokkru eftir að hún hafði látið vita af sér og að hún ætlaði í laugina.

Lífgunartilraunir hófust strax og að var komið og var þeim haldið áfram eftir að lögregla og læknar komu á staðinn en báru ekki árangur, að því er segir í frétt á vefnum Skessuhorn.

Fyrr í dag var greint frá því hér á mbl.is að konan hefði drukknað. Eftir að athugasemd barst þá var fréttinni breytt hér á mbl.is og eru hlutaðeigandi beðnir afsökunar á þessu.

Unnið er að rannsókn á dauðsfallinu en ekki liggur fyrir dánarorsök.

• 1 blogg um fréttina

Bloggað um fréttina

• Kjartan Pétur Sigurðsson: Flogið var yfir Lundareykjadal fyrir stuttu