Flugfélag Íslands bauð eitt í flug til Eyja
Setja bókamerki
Í dag var opnað tilboð í flugleiðina milli lands og Eyja hjá Ríkiskaupum. Búist var við því að Flugfélag Íslands myndi bjóða í flugleiðina auk þess sem orðrómur var uppi að aðilar hygðust kaupa Dornier flugvélar Landsflugs og bjóða í flugleiðina. Aðeins Flugfélag Íslands bauð hins vegar í flugleiðina en samkvæmt heimildum www.sudurland.is þurfti 30 sæta flugvél til að uppfylla útboðskröfur en Dornier vélar eru aðeins 19 sæta.
Flugfélagið skilaði inn tveimur tilboðum sem miðuðust við mismunandi forsendur en samningstíminn eru 2 ár og tveir mánuðir til viðbótar. Fyrra tilboðið hljóðaði upp á tæpar 220 milljónir en tilboð tvö upp á tæpar 184 milljónir og mun Flugfélag Íslands því væntanlega halda áfram áætlunarflugi á flugleiðinni.
Kostnaðaráætlun Vegagerðarinnar hljóðaði annars vegar upp á tæpar 171 milljón króna og hins vegar rúmar 159 milljónir.
Tilboð FÍ:
T1 kr. 219.791.968
T2 kr. 183.999.256
Kostnaðaráætlun Vegagerðarinnar:
T1 kr. 170.882.375
T2 kr. 159.191.556.
„Skjálftaklessa á milli Grímseyjar og Öxarfjarðar“
Önnur aurskriða við Eyrarhlíð
Mikilvægt að tala um sjálfsvíg án þess að hvísla
Traust til kvenleiðtoga fer minnkandi
Vandræði með vatn í Bolungarvík
Munu áfrýja beint til Hæstaréttar
„Allt í rusli“ við brúargerð á Vestfjörðum
„Einhverjir töfrar sem gerast“