Margrét María Sigurðardóttir ráðin umboðsmaður barna
Setja bókamerki
Forsætisráðherra hefur skipað Margréti Maríu Sigurðardóttur, lögfræðing, í embætti umboðsmanns barna til næstu fimm ára frá 1. júlí nk.
Margrét María lauk embættisprófi í lögfræði frá Háskóla Íslands árið 1990. Hún hefur verið framkvæmdastjóri Jafnréttisstofu frá 1. nóvember 2003 en starfaði þar áður sem lögfræðingur. Hún rak eigin lögmannsstofu um árabil auk þess sem hún starfaði sem fulltrúi sýslumanns á Ísafirði, Húsavík og Blönduósi. Margrét María hefur auk þess sinnt margvíslegum trúnaðarstörfum á sviði jafnréttis- og fjölskyldumála innan lands sem erlendis.
Um embætti umboðsmanns barna sóttu 13 manns, en einn dró umsókn sína til baka.
Umsækjendur voru:
Árni Guðmundsson, uppeldis- og menntunarfræðingur
Bergþóra Sigmundsdóttir, lögfræðingur
Elín Vigdís Hallvarðsdóttir, lögfræðingur
Eygló S. Halldórsdóttir, lögfræðingur
Guðrún Ögmundsdóttir, félagsfræðingur
Herdís Þorgeirsdóttir, doktor í lögum
Hrafn Franklín Friðbjörnsson, sálfræðingur
Kolbrún Baldursdóttir, sálfræðingur
Margrét María Sigurðardóttir, lögfræðingur
Ólína Þorvarðardóttir, doktor í íslenskum bókmenntum
Sigurður Ragnarsson, sálfræðingur
Sverrir Óskarsson, félagsráðgjafi og stjórnsýslufræðingur
Vigdís Erlendsdóttir, sálfræðingur.
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
Litlar líkur á að hraunið nái til mannvirkja
Ástæða til að ætla að eldgosahrinu fari að ljúka
Drónamyndskeið frá hápunkti gossins í nótt
Mjög alvarlegt ef Njarðvíkuræð gefur sig