Aðsókn óbreytt þrátt fyrir reykingabann

Reykingabann á veitinga- og skemmtistöðum hefur ekki haft teljandi áhrif á aðsókn fólks að skemmtistöðum í Reykjavík. Reykingafólk er fljótt að laga sig að aðstæðum og bregður sér út fyrir staðina til að svala níkótínþörfinni. Á hinn bóginn er ljóst að sóðaskapur hefur snaraukist og íbúar í miðbænum kvarta undan hávaðanum sem útiganginum fylgir. Þetta kemur meðal annars fram í úttekt Morgunblaðsins á helstu skemmtistöðum borgarinnar sem þjónusta hátt á annan tug þúsunda kvöldgesta um hverja helgi. Vinsælasti skemmtistaðurinn í miðbæ Reykjavíkur er Café Oliver að Laugavegi 20A en um staðinn fara um 2.200 til 2.500 manns á venjulegu laugardagskvöldi.

Sjá nánar í Morgunblaðinu í dag.