Ók fram úr skjaldböku á Skutulsfjarðarbraut á Ísafirði

Ökumaður sem leið átti um Skutulsfjarðarbraut á Ísafirði vissi ekki hvaðan á hann stóð veðrið þegar hann ók fram úr skjaldböku sem leið átti um veginn á tólfta tímanum í dag.

Samkvæmt upplýsingum frá lögreglu var skjaldbakan, sem vegur 1,2 kg, á hægri ferð norður veginn en þarna er 60 km. hámarkshraði. Skjaldbökunni var boðið far á lögreglustöðina á Ísafirði hvar hún hvíldi lúin bein.

Ekki er vitað hvaðan skjaldbakan kom en grunur leikur á að hún hafi stungið eiganda sinn af. Náttúrustofa Vestfjarða fékk dýrið til varðveislu en innflutningur slíkra dýra er bannaður.

• 5 blogg um fréttina

Bloggað um fréttina

• Ingólfur H Þorleifsson: Var hún á löglegum hraða ?
• Guðrún Emilía Guðnadóttir: Dúlli Dúll.
• Þorsteinn Gunnarsson: Skjaldbökueldi á Ísafirði kannski lausnin?
• Óskar Þorkelsson: ók framúr !!
• Ásgeir Rúnar Helgason: Óvinir í umferðinni