Ingibjörg Sólrún Gísladóttir segir að Íslendingar þurfi að horfast í augu við verulega aukningu í útgjöldum vegna varnarmála en sá útgjaldaliður verður í fyrsta sinn í næstu fjárlögum. Ingibjörg er nú í opinberri heimsókn í Noregi og átti hún m.a. fund í gær með Anne-Grete Ström-Erichsen, varnarmálaráðherra Noregs, og ræddu þær m.a. tvíhliða varnarsamstarf Íslands og Noregs.

"Samningurinn sem gerður var við Noreg var bara rammasamningur og það er undir okkur komið hvert innihaldið verður," segir Ingibjörg. Því sé nauðsynlegt að fram fari umræða meðal þjóðarinnar um hvað hún sé tilbúin að leggja af mörkum til eigin varna.

Ingibjörg ræddi einnig við norska utanríkisráðherrann, Jonas Gahr Støre, í gær og hitti Harald Noregskonung. Heimsókninni lýkur á föstudag með fundi með Jens Stoltenberg forsætisráðherra.

Tengdar fréttir

Varnarmál Íslands

Ágreiningur í VG um aðild að NATO

• Segir öryggi Íslands betur tryggt utan NATO
• Fyrsta heimsóknin til Íslands í áraraðir
• Beint: Formenn ræða hnattrænar áskoranir
• Campbell hrósaði Þórdísi

» Fleiri tengdar fréttir