Gengið gegn slysum á Selfossi

Starfsfólk Heilbrigðisstofnunar Suðurlands á Selfossi til göngu gegn umferðarslysum í dag klukkan 17. Með þessari göngu vill starfsfólk HSu sýna samstöðu með hjúkrunarfræðingum á LSH sem hafa skipulagt slíka göngu í Reykjavík.

Í tilkynningu frá hjúkrunarfræðingunum segir m.a.: „Framundan er sumarið og viljum við gera almenningi grein fyrir áhyggjum okkar vegna aukins hraða í umferðinni og alvarleika slysa. Efst á óskalistanum eru ekki fleiri viðskiptavinir í sumar."

Starfsfólk HSu hvetur Selfossbúa og aðra til að taka þátt í göngunni í dag. Gengið verður frá sjúkrahúsinu við Árveg, upp Heiðmörkina og upp á Austurveg og niður að ráðhúsi, til baka og endað við Lögreglustöðina við Hörðuvelli. Þar mun fulltrúi framkvæmdastjórnar HSu flytja stutt ávarp.

• 2 blogg um fréttina

Bloggað um fréttina

• Ragnheiður Ólafía Davíðsdóttir: Stolt af hjúkrunarfræðingum!
• Haraldur Haraldsson: Gengið gegn slysum í Rvik og Selfossi gott mál!!!!!